ᐊᔾᔨᒌᙱᑦᑐᓂᒃ ᐊᒻᒪᓗ ᐊᔪᙱᑦᑐᓂᑦ ᐱᓕᕆᐊᓕᐅᕆᓂᖅ
ᓴᒃᑯᒃᑯᑦ ᑲᑎᕐᒪᔪᑦ ᑲᒻᐸᓂᖏᑦ.
ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐃᖢᐊᖅᓴᐃᓂᕐᒧᑦ ᐱᔨᑦᑎᕋᐅᑏᑦ
ᓴᒃᑯᒃᑯᑦ ᐊᖏᒡᓕᒋᐊᖅᓯᓂᐊᖅᑐᑦ ᐃᓂᖃᕐᓂᕆᔭᑉᑎᖕᓂᑦ ᑐᓂᓯᓂᕐᒧᑦ ᐃᓄᖕᓄᑦ-ᐱᑎᑕᐅᔪᓂᒃ, ᐃᓄᖕᓄᑦ-ᐱᓕᕆᐊᖑᔪᑦ ᑲᒪᔭᖃᕐᓂᕐᒥᒃ, ᐃᖢᐊᖅᓴᖅᑕᐅᔭᖅᑐᕐᓗᑎᒃ ᐃᖏᕐᕋᓂᕐᒨᒐᓗᐊᖅᐸᑕ ᐅᕝᕙᓘᓐᓃᑦ ᓄᓇᓕᑉᑎᖕᓃᑎᓪᓗᒋᑦ.
ᐆᒻᒪᖅᖁᑎ
ᓴᒃᑯᒃᑯᑦ ᖃᐅᔨᒪᔪᑦ ᒥᒃᖠᒋᐊᕆᐊᖃᕐᓂᖓ ᐊᑐᖅᑕᐅᓂᖓ ᐅᖅᓱᐊᒃᓗᖕᒧᑦ ᐆᒻᒪᖅᖁᑎᓕᐅᕆᓂᖅ ᐊᒻᒪᓗ ᕿᓃᓐᓇᖅᑐᑦ ᓴᓗᒪᓂᖅᓴᒧᐊᕐᓂᐊᕐᓗᑎᒃ, ᐊᑐᖅᑕᐅᔪᖕᓇᖅᑐᒥᒃ ᐊᒻᒪᓗ ᓄᑖᙳᖅᑕᐅᔪᖕᓇᖅᑐᖅ ᐆᒻᒪᖅᖁᑎᓕᐅᕆᔪᓂᒃ ᓲᕐᓗ ᐃᒪᐅᑉ ᐊᐅᓚᓂᖓ ᐊᑐᕐᓗᒍ ᐃᑯᒻᒪᖅᖁᑎᓕᐅᕆᓂᖅ ᐊᒻᒪᓗ ᓯᕿᓂᕐᒥᑦ.
ᐃᒡᓗᕐᔪᐊᓕᕆᓂᖅ
ᐱᓕᕆᐊᖃᖅᑐᒍᑦ ᐃᒡᓗᑭᓪᓕᐅᕐᓂᐅᔪᒥᒃ ᐅᑭᐅᖅᑕᖅᑐᒥᑦ ᓄᑖᓂᒃ ᐋᖅᕿᒃᓯᓂᒃᑯᑦ, ᓲᕐᓗ ᓴᖅᕿᑦᑎᑉᓗᑕ ᓴᒃᑯᒃᑯᑦ ᓄᑖᓂᑉ ᐃᒡᓗᕐᔪᐊᓂᒃ ᐋᖅᕿᒃᓯᓃᑦ ᐃᒡᓗᕐᔪᐊᓕᐅᖅᑕᖏᑦ ᐃᒡᓗᕐᔪᐊᓕᐅᕐᕕᖕᒥᑦ.
ᑐᓴᐅᒪᖃᑦᑕᐅᑎᓕᕆᓂᖅ
ᖃᐅᔨᒪᔪᒍᑦ ᐱᐅᓯᒋᐊᖅᑕᐅᔭᕆᐊᖃᕐᓂᖓ ᖃᕆᑕᐅᔭᒃᑰᕈᖕᓇᐅᑎ ᑲᑎᑎᓐᓂᐊᕐᓗᒋᑦ ᑭᕙᓪᓕᕐᒥᐅᑕᐃᑦ ᓄᑖᓄᑦ ᐱᕕᖃᕐᓂᐅᔪᓄᑦ. ᕿᒥᕐᕈᔪᒍᑦ ᑕᒪᐃᓐᓂᑦ ᐊᓕᒎᔭᐃᑦ (fibre optic) ᖃᕆᑕᐅᔭᒃᑰᕈᖕᓇᐅᑎᒥᑦ ᐊᒻᒪᓗ ᖃᖓᑦᑕᖅᑎᑕᐅᓯᒪᔪᒃᑯᑦ ᐋᖅᕿᒃᓯᔾᔪᑎᓂᒃ ᐱᐅᓯᒋᐊᕐᓂᐊᕐᓗᒍ ᑐᓴᐅᒪᖃᑦᑕᐅᑎᓕᕆᓂᖅ ᓄᓇᓕᑉᑎᖕᓂᑦ.
ᐱᓕᕆᐊᕗᑦ:
ᐃᓄᖕᓄᑦ ᐱᒋᐊᖅᑎᑕᐅᔪᓄᑦ ᐊᐅᓚᑦᑎᔨᐅᓂᕗᑦ ᑭᒡᒐᖅᑐᖅᖢᒋᑦ ᐱᔪᒪᓂᕆᔭᖏᑦ ᐃᓄᓗᒃᑖᑦ ᑭᕙᓪᓕᕐᒥᑦ
ᓴᒃᑰᑉ ᐱᕈᐃᔨᖏᓐᓂᑦ ᐊᐅᓚᑦᑎᔩᑦ-ᑯᑦ ᖁᕕᐊᒋᑦᑎᐊᖅᑕᖓ ᐱᓕᕆᔨᐅᑉᓗᑕ ᐃᓄᖕᓄᑦ ᐱᒋᐊᖅᑎᑕᐅᔪᓄᑦ ᐊᐅᓚᑦᑎᔨᐅᓂᕗᑦ ᑭᒡᒐᖅᑐᖅᖢᒋᑦ ᐱᔪᒪᓂᕆᔭᖏᑦ ᐃᓄᓗᒃᑖᑦ ᑭᕙᓪᓕᕐᒥᑦ. 30 ᐅᑭᐅᑦ ᐅᖓᑖᓄᑦ ᐱᓐᓂᑯᖃᖅᖢᑕ ᐊᒻᒪᓗ ᐱᓕᕆᓂᑯᖃᖅᖢᑕ, ᐅᕙᑉᑎᖕᓂᑦ ᓴᖅᕿᑎᓯᒪᔪᒍᑦ ᐅᒃᐱᕆᔭᐅᔪᖕᓇᕐᓗᑕ ᐱᓕᕆᖃᑎᒌᖑᔪᒍᑦ ᑮᓇᐅᔭᓂᒃ ᑐᖅᖁᖅᓯᓯᒪᓂᕐᒧᑦ ᐊᒻᒪᓗ ᐊᔪᙱᑦᑐᒥᒃ ᑮᓇᐅᔭᓕᐅᖅᐸᓪᓕᐊᓂᕐᓂᒃ. ᓴᙱᔫᔪᑦ ᐱᓕᕆᖃᑎᒋᔭᕗᑦ ᐊᒻᒪᓗ ᐊᔪᙱᑦᑎᐊᖅᑐᑦ ᐱᓕᕆᔨᕗᑦ, ᐅᑭᐅᖅᑕᖅᑐᒥᑦ ᐊᔪᙱᓐᓂᖃᖅᖢᑎᒡᓗ, ᐅᕙᑉᑎᖕᓂᑦ ᐊᑐᕈᖕᓇᖅᑎᑦᑎᔪᑦ ᐊᑐᕐᓂᐊᕐᓗᒋᑦ ᐊᔾᔨᐅᖏᑦᑑᔪᑦ ᐊᒃᓱᕐᓇᖅᑐᓂᒃ ᐃᓂᒋᔭᑉᑎᖕᓂᑦ ᑭᕙᓪᓕᕐᒥᑦ.
ᐊᖏᔪᒥᒃ ᐱᓕᕆᐊᖃᕐᓂᕐᒧᑦ ᐊᒻᒪᓗ ᓄᓇᓕᖕᒥᑦ ᐱᓕᕆᖃᑎᒌᖕᓂᖃᖅᖢᑕ, ᖃᐅᔨᒪᓂᖃᑦᑎᐊᖅᑐᒍᑦ ᐃᓄᖕᓂᒃ, ᓄᓇᒥᑦ, ᐊᒻᒪᓗ ᐱᖅᖁᓯᕆᔭᐅᔪᒥᒃ. ᐱᓂᐊᕐᓂᕆᔭᕗᑦ ᐃᓅᖃᑎᒌᓄᑦ ᐱᔭᒃᓴᐅᑎᖃᕐᓂᕐᒧᑦ ᐅᕙᑉᑎᖕᓂᑦ ᖃᐅᔨᑎᑦᑎᓂᖃᖅᑐᑦ ᖃᓄᖅᑑᕆᓂᕐᒧᑦ ᐱᓕᕆᖃᑎᒋᔭᑉᑎᖕᓂᑦ ᐊᒻᒪᓗ ᐊᓯᖏᓐᓂᒃ ᐱᓕᕆᖃᑎᖃᕐᓂᕗᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓕᖕᓂᑦ, ᐊᑕᐅᑦᑎᒃᑯᑦ ᐱᕙᓪᓕᐊᑎᓐᓂᐊᕐᓗᒋᑦ ᓄᓇᓕᒃᐳᑦ. ᓯᕗᓪᓕᖅᐸᐅᑎᖃᑦᑕᖅᑕᕗᑦ ᑕᑯᒃᓴᐅᑎᑦᑎᓂᒃᑯᑦ ᑐᓴᐅᒪᖃᑦᑕᐅᑎᓕᕆᓂᕗᑦ ᐱᓕᕆᐊᕆᑦᑎᐊᕐᓂᐊᕐᓗᒋᑦ ᓄᓇᓕᖕᒥᑦ ᐱᔭᐅᔭᕆᐊᓖᑦ.
