ᓴᒃᑯᒃᑯᑦ ᐊᔪᕈᖕᓃᖅᓴᐃᔨᒃᑯᑦ ᐊᒻᒪᓗ ᐱᓕᕆᑎᑦᑎᔩᑦ:
ᐱᕙᓪᓕᐊᔪᑦ ᐊᒻᒪᓗ ᐊᑐᓕᖅᑎᑦᑎᔪᑦ ᑐᕌᖓᔪᓂᑦ, ᐱᔨᑦᑎᕋᐅᑎᓂᒃ, ᐊᒻᒪᓗ ᐱᓕᕆᐊᒃᓴᖅᓯᐅᖅᑐᓄᑦ ᐱᓕᕆᐊᕆᓂᐊᖅᑕᖏᓐᓂᒃ.
ᐊᔪᕈᖕᓃᖅᓴᐃᓂᖅ ᐊᒻᒪᓗ ᐱᓕᕆᐊᒃᓴᐃᑦ:
ᐱᓂᐊᕐᓂᕆᔭᕗᑦ ᐃᓕᓐᓂᐊᕐᓗᑎᒃ ᐱᓕᕆᔪᓄᑦ ᐊᒻᒪᓗ ᐱᓕᕆᐊᒃᓴᓄᑦ ᐱᖃᖅᑎᓪᓗᒋᑦ
ᐊᔪᕈᖕᓃᖅᓴᐃᔨᒃᑯᑦ ᐊᒻᒪᓗ ᐱᓕᕆᑎᑦᑎᔨᕗᑦ ᐃᑲᔪᖃᑦᑕᖅᑐᑦ ᐱᕙᓪᓕᐊᑉᓗᒋᑦ ᐊᒻᒪᓗ ᐊᑐᓕᖅᑎᖦᖢᒋᑦ ᑐᕌᖓᔪᑦ, ᐱᔨᑦᑎᕋᐅᑏᑦ ᐊᒻᒪᓗ ᐱᓕᕆᐊᒃᓴᖅᓯᐅᖅᑐᓄᑦ ᐱᓕᕆᐊᖑᔪᑦ. ᐱᓕᕆᐊᖑᔪᑦ ᐱᐅᓯᒋᐊᖅᓯᑎᑦᑎᔪᒃᓴᐅᑕᐅᔪᑦ ᐊᔪᕈᖕᓃᖅᓴᐃᓂᕐᓂᑦ, ᐱᓕᕆᑎᑦᑎᓂᕐᓂᑦ, ᐊᒻᒪᓗ ᐃᓂᓕᐅᕆᓂᕐᒧᑦ ᐱᕕᖃᖅᑎᑦᑎᓂᕐᓄᑦ. ᑕᒪᒃᑯᓂᙵᑦ ᐱᕕᖃᖅᑎᑦᑎᖃᑦᑕᖅᑐᒍᑦ ᓴᒃᑯᒃᑯᓐᓄᑦ 100%-ᒥᒃ ᓇᖕᒥᓂᕆᔭᐅᔪᓄᑦ ᑲᒻᐸᓂᖏᓐᓂᑦ, ᓇᖕᒥᓂᖅ ᐱᓕᕆᐊᖃᖅᑐᑦ ᐱᓕᕆᖃᑎᒋᔭᐅᔪᓄᑦ, ᐊᒻᒪᓗ ᐃᓄᐃᑦ ᐃᓚᐅᓕᖅᓯᒪᔪᑦ ᓄᓇᕗᒻᒧᑦ ᐊᖏᖃᑎᒌᒍᑎᒧᑦ. ᑕᐅᑐᒐᕆᓗᐊᖅᑕᕗᑦ ᐱᐅᓯᒋᐊᕐᓂᐊᕐᓗᒍ ᓴᒃᑯᒃᑯᑦ ᐱᓕᕆᐊᓄᑦ ᐱᓕᕆᖃᑎᒌᖕᓂᕆᔭᖏᑦ.
ᐊᑕᐅᑦᑎᒃᑯᑦ ᐱᔭᒃᓴᐅᑎᒋᔭᕗᑦ ᓴᙱᒃᑎᒋᐊᕐᓗᒋᑦ ᐊᐅᓚᑦᑎᔨᕗᑦ ᑲᑐᔾᔨᖃᑎᒌᕗᑦ, ᓇᖕᒥᓂᕆᔭᐅᔪᑦ ᑲᒻᐸᓃᑦ, ᐊᒻᒪᓗ ᓇᖕᒥᓂᖅ ᐱᓕᕆᐊᖃᖅᑐᑦ ᐱᓕᕆᖃᑎᒋᔭᐅᔪᑦ ᐱᐅᓯᒋᐊᕐᓂᐊᕐᓗᒋᑦ ᐊᔪᕈᖕᓃᖅᓴᐃᓂᕐᒧᑦ ᐊᒻᒪᓗ ᐱᓕᕆᑎᑦᑎᓂᕐᒧᑦ ᐱᕕᖃᖅᑎᑦᑎᓂᖏᑦ. ᓴᖅᕿᑦᑎᓂᐊᖅᑐᒍᑦ ᑎᑭᐅᑎᔭᐅᔪᖕᓇᖅᑐᓄᑦ ᑐᕌᒐᕆᔭᐅᔪᓄᑦ ᐃᓄᐃᑦ ᐱᓕᕆᑎᑕᐅᓂᖏᓐᓄᑦ ᓇᓃᓐᓂᕆᔭᐅᔪᓗᒃᑖᓂᒃ ᐊᒻᒪᓗ ᕿᒥᕐᕈᓗᒋᑦ ᐊᔪᕈᖕᓃᖅᓴᐃᖃᑦᑕᕐᓂᖅ ᐊᒻᒪᓗ ᐊᑐᖅᑕᐅᔭᕆᐊᓖᑦ ᑎᑭᐅᑎᓂᐊᕐᓗᓂ ᖁᑦᑎᖕᓂᖅᓴᐅᔪᑦ ᐃᓂᐅᔪᓄᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ.
7 ᐅᑭᐅᓂᑦ ᐊᓂᒍᖅᑐᓂᑦ ᓴᒃᑯᒃᑯᑦ ᐱᓕᕆᔨᑖᖅᓯᒪᔪᑦ 8-ᓂᒃ ᐃᓕᓐᓂᐊᖅᖢᑎᒃ ᐱᓕᕆᔪᓂᒃ ᐱᑖᕐᓂᐊᕐᓗᑎᒃ ᐱᓕᕆᓗᑎᒃ ᐃᑲᕐᕋᓕᐅᕆᓂᕐᓂᒃ ᓇᖕᒥᓂᕆᔭᐅᔪᓂᑦ ᑲᒻᐸᓂᓃᓪᓗᑎᒃ.
“ᐱᓕᕆᖃᑎᒋᑉᓗᒋᑦ ᓴᓇᑐᓕᖅᓴᕐᕕᒃ ᐱᓕᕆᐊᓄᑦ ᐃᓕᓐᓂᐊᕐᕕᒃ ᐊᒻᒪᓗ ᓄᓇᕗᒻᒥ ᒐᕙᒪᒃᑯᑦ ᐱᒻᒪᕆᐅᔪᖅ ᐱᐊᓂᑦᑎᐊᖅᓯᒪᓂᐊᕐᓂᖓᓄᑦ ᓴᒃᑯᒃᑯᑦ ᐃᓕᓐᓂᐊᕐᓗᑎᒃ ᐱᓕᕆᑎᑦᑎᓂᖏᑦ”
ᐱᑕᖃᖅᑎᑦᑎᓗᑕ ᐃᑲᔪᕐᓂᐊᕐᓗᒋᑦ ᐊᐅᓚᑦᑎᔨᕗᑦ ᑲᑐᔾᔨᖃᑎᒌᕗᑦ
ᐱᒻᒪᕆᐅᒋᔭᕗᑦ ᐊᒻᒪᓗ ᒪᓕᒐᕗᑦ:
ᓴᒃᑯᒃᑯᑦ ᐊᑐᖃᑦᑕᖅᑐᑦ ᐱᓂᐊᕐᓗᒋᑦ ᑕᐅᑐᒐᕆᔭᖓᑦ, ᐱᓕᕆᐊᕆᔭᖓᑦ ᐊᒻᒪᓗ ᖃᐅᑕᒫᒃᑯᑦ ᐊᐅᓛᖅᑎᑦᑎᓂᖓᓐᓄᑦ ᒪᓕᒡᓗᒋᑦ ᐱᒻᒪᕆᐅᒋᔭᐅᔪᑦ ᐊᒻᒪᓗ ᒪᓕᒐᕆᔭᐅᔪᑦ:
- ᐃᓄᐃᑦ ᓴᙱᓂᖅᑖᖅᑎᓪᓗᒋᑦ
- ᐱᓕᕆᖃᑎᒌᖕᓂᖅ
- ᐊᔪᙱᑦᑐᒃᑯᑦ
- ᐃᓅᖃᑎᒌᓄᑦ ᐱᔭᒃᓴᐅᑎᖃᕐᓂᒃᑯᑦ
ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᕗᑦ:
ᑭᕙᓪᓕᕐᒥᑦ ᐱᓕᕆᑎᑦᑎᓂᕐᒥᒃ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ
“ᐱᕙᓪᓕᐊᓗᓂ ᐃᓗᐃᑦᑐᒥᒃ ᖃᓄᖅᑑᕈᑎᒥᒃ ᐊᑐᕐᓂᐊᕐᓗᒋᑦ ᐱᕈᖅᐸᓪᓕᐊᑎᑦᑎᓂᕐᒧᑦ ᐱᕕᖃᖅᑎᑦᑎᓂᐅᔪᑦ ᑭᕙᓪᓕᕐᒥᑦ ᐊᒻᒪᓗ ᐱᓕᕆᐊᕆᓗᒋᑦ ᐱᓕᕆᐊᒃᓴᖅᓯᐅᖅᑐᓄᑦ ᐱᔭᐅᔭᕆᐊᓖᑦ ᐊᒻᒪᓗ ᐊᒃᓱᕈᕐᓇᐅᑎᐅᔪᑦ.”
ᓯᕗᓪᓕᖅ 1:
ᐃᓚᐅᓗᑎᒃ ᓄᓇᓕᖕᒥᐅᓂᒃ ᐅᖃᖃᑎᖃᕐᓂᕐᓂᒃ ᑐᓂᓂᐊᕐᓗᒋᑦ ᓯᕗᓪᓕᐅᔪᖤᒃ ᓄᓇᓕᖕᒨᖓᔪᓂᑦ ᐊᒻᒪᓗ ᑭᕙᓪᓕᕐᒨᖓᔪᓂᒃ ᐊᒻᒪᓗ ᐋᖅᕿᒃᓯᓗᓂ ᐱᓕᕆᐊᖑᓂᐊᖅᑐᒧᑦ ᐋᖅᕿᐅᒪᔪᒥᒃ ᓇᓗᓇᐃᔭᖅᓯᒪᓂᖅᓴᐅᔪᒃᑯᑦ ᖃᐅᔨᓴᐃᓂᕐᒧᑦ ᑭᕙᓪᓕᕐᒥᑦ ᖃᓄᐃᖓᓂᐅᔪᒥᒃ ᐊᒻᒪᓗ ᐱᔭᐅᔭᕆᐊᓕᖕᓂᑦ.
ᑐᒡᓕᐊ 2:
ᑐᑭᓯᐅᒪᔾᔪᑏᑦ ᐱᔾᔪᑎᖃᖅᑐᑦ ᐱᓕᕆᐊᒃᓴᖅᓯᐅᖅᑐᓄᑦ ᐱᔭᐅᓚᐅᖅᑐᖅ ᐱᓕᕆᐊᖑᓚᐅᖅᑐᒥᑦ ᓯᕗᓪᓕᖅ 1-ᒥᑦ ᐱᓕᕆᑎᓪᓗᒋᑦ. ᐃᓗᐃᑦᑑᖓᔪᒃᑯᑦ ᐱᓕᕆᐊᖑᔪᖅ ᑕᑯᒃᓴᐅᑎᑦᑎᔪᖅ ᑭᕙᓪᓕᕐᒧᑦ ᐱᔾᔪᑎᖃᖅᑐᒥᒃ ᐊᔾᔨᒌᙱᑦᑐᓂᑦ ᐃᓂᐅᔪᓂᒃ ᕿᒥᕐᕈᔭᐅᓚᐅᖅᑐᓂᑦ ᐊᐱᖅᖁᑎᓂᒃ ᑭᐅᒪᑎᑦᑎᓂᒃᑯᑦ.
ᐱᖓᓱᐊ 3:
ᐱᓕᕆᐊᖅ ᐱᕙᓪᓕᐊᓕᖅᑐᖅ, ᓄᓇᓕᖕᒥᐅᑦ ᐊᒻᒪᓗ ᐃᓚᒋᔭᐅᔪᑦ ᓯᕗᓪᓕᐅᔫᖕᓃᑦ ᒪᕐᕉᖕᓂᑦ ᐱᓕᕆᐊᖑᔪᓂᑦ ᐱᓕᕆᐊᕆᔭᐅᑉᓗᓂ ᑭᕙᓪᓕᕐᒥᑦ ᐱᓕᕆᑎᑦᑎᓂᕐᒥᒃ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ.
ᐱᓕᕆᐊᖃᖅᑐᑦ ᑕᒪᑐᒥᙵᑦ ᑲᑎᒪᓂᐊᖅᑐᑦ ᑲᖏᖅᖠᓂᕐᒥᑦ ᐅᑭᐅᓖᑦ 2-ᒥᑦ 6-ᒧᑦ ᐊᒻᒪᓗ ᐃᓚᐅᓂᐊᖅᑐᑦ ᒪᒃᑯᒃᑐᓂᒃ ᑭᒡᒐᖅᑐᐃᔪᑦ ᐊᑐᓂ ᑭᕙᓪᓕᕐᒥᑦ ᓄᓇᓕᖕᓂᙶᖅᑐᓂᒃ, ᐊᒻᒪᓗ ᓴᓂᑭᓗᐊᕐᒥᑦ (ᐱᔾᔪᔾᔭᐅᔪᖅ ᓄᓇᕗᒻᒥ ᒐᕙᒪᒃᑯᑦ ᖃᑕᙳᑎᒌᓄᑦ ᐱᔨᑦᑎᕋᐃᔨᒃᑯᓐᓄᑦ).
ᐱᓕᕆᐊᕐᒧᑦ ᐱᕙᓪᓕᐊᓂᕐᒥᒃ ᐸᕐᓇᐅᑎ:
ᖃᐅᔨᓗᒋᑦ ᐱᓕᕆᐊᒃᓴᒧᑦ ᑐᕌᒐᐅᔪᑦ ᐊᒻᒪᓗ ᖃᓄᖅ ᑎᑭᐅᑎᔭᐅᔪᖕᓇᕐᒪᖔᑕ
ᐱᓕᕆᐊᕐᒧᑦ ᐱᕙᓪᓕᐊᓂᕐᒥᒃ ᐸᕐᓇᐃᓂᖅ ᐱᕙᓪᓕᐊᓂᐅᔪᖅ ᓴᖅᕿᑦᑎᓂᐊᕐᓗᓂ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒥᑦ ᐊᑐᕐᓗᒋᑦ ᐅᔾᔨᖅᑐᕐᓂᖅ, ᐱᒻᒪᕆᐅᔪᑦ, ᐅᑐᕐᕕᒋᔭᖃᕐᓗᓂ, ᑐᕌᒐᐅᔪᒥᒃ-ᐋᖅᕿᒃᓯᓂᕐᒧᑦ ᐊᒻᒪᓗ ᐸᕐᓇᐃᓂᖅ ᓇᖕᒥᓂᕐᒧᑦ ᐱᕙᓪᓕᐊᓂᕐᒥᒃ ᐊᐅᓚᑦᑎᔨᒃᑯᓐᓃᓪᓗᓂ ᑲᑐᔾᔨᖃᑎᒌᒃᑯᓐᓃᓪᓗᓂ.
ᖃᐅᔨᓗᒋᑦ ᑕᐅᑐᒐᐅᔪᑦ ᐊᒻᒪᓗ ᑐᕌᒐᐅᔪᑦ:
ᖃᐅᔨᓗᒋᑦ ᐊᑯᓂᐅᔪᒥᑦ ᐊᒻᒪᓗ ᓇᐃᑦᑐᒥᑦ ᑐᕌᒐᐅᔪᑦ ᐱᔾᔪᑎᖃᖅᑐᑦ ᐊᔪᙱᓐᓂᕆᔭᖕᓄᑦ ᐊᒻᒪᓗ ᐱᔪᒪᓂᕆᔭᖕᓄᑦ.
ᐸᕐᓇᐃᓂᖅ ᐱᐊᓂᑦᑎᐊᖅᓯᒪᔪᖕᓇᕐᓂᕐᒧᑦ:
ᖃᐅᔨᓗᒋᑦ ᑕᐃᒪᐅᔪᑦ ᐊᔪᙱᓐᓂᕆᔭᐅᔪᑦ ᐊᒻᒪᓗ ᐊᔪᙱᔾᔪᑏᑦ.
ᐃᓕᑕᕆᓗᒋᑦ ᓴᙲᓐᓂᕆᔭᑎᑦ:
ᓇᓗᓇᐃᕐᓗᒋᑦ ᓇᓕᖏᓐᓂᑦ ᐊᔪᕐᓂᖃᕈᖕᓇᕐᓂᕆᔭᑎᑦ.
ᖃᓄᖅᑑᕆᓂᒃᑰᕐᓗᓂ:
ᐋᖅᕿᒃᓯᓗᓂ ᐱᓕᕆᐊᒃᓴᒧᑦ ᐱᕙᓪᓕᐊᓂᕐᒧᑦ ᐸᕐᓇᐅᑎᒥᑦ ᐋᖅᕿᒃᓱᐃᔭᕆᐊᖃᕐᓗᓂ ᑐᕌᒐᐅᔪᒧᐊᖅᐸᓪᓕᐊᓂᕐᒧᑦ ᓇᓗᓇᐃᖅᓯᔾᔪᑎᓂᒃ, ᖃᖓᒃᑰᖓᔪᓂᒃ, ᐊᒻᒪᓗ ᖃᐅᔨᓗᒋᑦ ᐃᓄᐃᑦ ᐃᓕᖕᓂᑦ ᐃᑲᔪᕈᖕᓇᖅᑐᑦ ᑎᑭᐅᑎᓂᐊᕐᓗᒋᑦ ᑐᕌᒐᕆᔭᑎᑦ.
