ᓄᓇᑖᕈᑎᒧᑦ ᐊᐅᓚᑦᑎᔩᑦᐅᑎᓪᓗᒋᑦ, ᓴᒃᑰᑉ ᐱᕈᐃᔭᖏᓂ ᐊᐅᓚᑦᑎᔩᑯᑦ ᐱᓕᕆᓪᓗᐊᑕᖅᐳᑦ ᑮᓇᐅᔭᓕᐅᕋᓱᐊᕐᓂᕐᒥᒃ ᑲᔪᓯᐊᖏᓐᓇᕈᓐᓇᖅᑐᓂᒃ ᐃᓄᐃᑦ ᐱᓇᓱᐊᒐᖏᓐᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕆᔭᐅᔪᓂᒃ ᑭᕙᓪᓕᕐᒥᐅᓂ. ᑕᐅᑐᖅᑰᖅᑕᕗᑦ ᐋᖅᑭᒃᓱᐃᔪᒪᓂᐅᕗᖅ ᐊᑐᖅᑕᐅᑦᑎᐊᕈᓐᓇᖅᑐᒥᒃ ᖃᓄᐃᙱᑦᑎᐊᖅᑐᒥᒡᓗ ᑮᓇᐅᔭᓕᐅᕋᓱᒃᐸᖕᓂᕐᒥᒃ ᐃᓄᖕᓄᑦ, ᐊᒻᒪᓗ ᓴᒃᑯ ᐃᓕᓐᓂᐊᕈᓯᐊᖅᑖᕐᓂᕐᒧᑦ ᑮᓇᐅᔭᖁᑎᒋᔭᐅᔪᑦ ᐃᑲᔪᖅᑐᐃᓗᑎᒃ ᑕᒃᓱᒥᖓ ᐃᑲᔪᕐᓂᒃᑯᑦ ᐃᓄᖕᓂᒃ ᐃᓕᓐᓂᐊᖅᑎᓂᒃ ᐱᓇᔪᖕᓂᐊᖅᑐᓂᒃ ᐃᓕᓐᓂᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᕐᒥᒃ ᓇᖕᒥᓂᕆᔭᐅᔪᓂ ᐊᐅᓚᑦᑎᕙᖕᓂᕐᒥᒃ, ᑮᓇᐅᔭᓕᕆᓂᕐᒥᒃ, ᐊᐅᓚᑦᑎᓂᕐᒧᓪᓗ ᐊᔪᕈᓐᓃᖅᓴᕐᓂᕐᓂᒃ. ᐊᓕᐊᓇᐃᒍᓱᖃᑎᒋᕙᕗᑦ ᑐᓂᔭᐅᓚᐅᖅᑐᑦ 2024−ᒥᑦ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ!
